Дортмунднинг “Боруссия” клуби бошқаруви раиси Ханс-Йоахим Вацке клубнинг трансфер сиёсати ҳақида ўз фикрлари билан ўртоқлашди. Клуб кўп йиллардан буён ўзининг асосий ўйинчиларини Европа гигантларига сотиб, бундан катта даромад олишди.
"Биз ишлаб чиқараётган футболчилар энг юқори савияда ўйнашга қодир эканини ҳамма билади. Лекин бу бизнинг фалсафамиз эмас. Биз бундай руҳда ўйламаймиз: "Биз ўйинчини сотишимиз учун уни ривожлантиришимиз керак". Муваффақиятли бўлишни истайман, мен клубимиз "Бавария"дек молиявий қудратга эга бўлишини ва трансфер бозорида "йўқ" деб айта олишини афзал кўраман", - деди Вацке.
"Боруссия" жорий мавсумнинг 26-туридан кейин Бундеслига турнир жадвалида 11-ўринни эгаллаб турибди.
