"Yuventus"ning texnik direktori Krishtianu Jiuntoli tez orada ishdan bo‘shatilishi mumkin. Yaqinda Turin klubi bosh murabbiy Tiago Motta iste’foga chiqarilishini elon qildi, uning o‘rniga Igor Tudor tayinlandi.
Mish-mishlarga ko‘ra, Jiuntoli Mottaga: "Men sizni tanlaganimdan uyalaman", deb aytgan.
La Gazzetta dello Sport xabariga ko‘ra, tez orada funksionerning o‘zi ham xuddi shunday taqdirga duch kelishi mumkin. Klub boshliqlari ushbu mavsumdagi halokatli natijalar fonida bu imkoniyatni jiddiy ko‘rib chiqmoqda.
"Yuventus" A Seriyaning 29-turidan keyin beshinchi o‘rinda bormoqda. Shanba kuni "byankoneri" o‘z maydonida "Jenoa"ga qarshi bahs olib boradi.
