"Barselona" bosh murabbiyi Xans-Diter Flik murabbiylar shtabidan har bir o‘yinning birinchi bo‘limini videoga olishni so‘ramoqda. Bu haqda Mundo Deportivo nashri xabar bermoqda.
Manbaga ko‘ra, tanaffusda Flik o‘z jamoasining taktik jihatlariga o‘zgartirishlar kiritish, shuningdek, raqibning zaif tomonlarini ta’kidlash uchun videomateriallardan foydalanmoqda. Ta’kidlanishicha, "Barselona"ning sobiq bosh murabbiyi Xavi Ernandes ham xuddi shunday qilgan, faqat oddiy doskada.
27 o‘yindan so‘ng "Barselona" Ispaniya chempionati turnir jadvalida 60 ochko jamg‘argan holda peshqadamlik qilmoqda. Kataloniyaliklar navbatdagi o‘yinni 27 mart kuni "Osasuna"ga qarshi o‘tkazadi.
