"Барселона" бош мураббийи Ханс-Дитер Флик мураббийлар штабидан ҳар бир ўйиннинг биринчи бўлимини видеога олишни сўрамоқда. Бу ҳақда Mundo Deportivo нашри хабар бермоқда.
Манбага кўра, танаффусда Флик ўз жамоасининг тактик жиҳатларига ўзгартиришлар киритиш, шунингдек, рақибнинг заиф томонларини таъкидлаш учун видеоматериаллардан фойдаланмоқда. Таъкидланишича, "Барселона"нинг собиқ бош мураббийи Хави Эрнандес ҳам худди шундай қилган, фақат оддий доскада.
27 ўйиндан сўнг "Барселона" Испания чемпионати турнир жадвалида 60 очко жамғарган ҳолда пешқадамлик қилмоқда. Каталонияликлар навбатдаги ўйинни 27 март куни "Осасуна"га қарши ўтказади.
