Londonning "Arsenal" klubi rahbariyati braziliyalik himoyachi Gabriel dos Santosga yangi shartnoma taklif qilmoqchi. Bu haqda jurnalist Pit O'Rurk xabar bermoqda.
Ta’kidlanishicha, "Arsenal"ning bunday istak bildirishi Saudiya Arabistoni klublari jiddiy qiziqish bildirayotgan Gabrielni yo‘qotish xavfi bilan bog‘liq.
Gabriel "kanonirlar" safida 2020 yildan buyon to‘p tepib kelmoqda. U joriy mavsumda barcha musobaqalarni qo‘shib hisoblaganda 41 ta o‘yinda maydonga tushib, 5 ta gol urdi va 1 ta golli uzatmani o‘z hisobiga yozdirib qo‘ydi.
Himoyachining "Arsenal" bilan amaldagi mehnat shartnomasi 2027 yilga mo‘ljallangan. Transfermarkt ekspertlari 27 yoshli braziliyalik futbolchining narxini 75 mln yevroga baholamoqda.
