Лондоннинг "Арсенал" клуби раҳбарияти бразилиялик ҳимоячи Габриэль дос Сантосга янги шартнома таклиф қилмоқчи. Бу ҳақда журналист Пит О'Рурк хабар бермоқда.
Таъкидланишича, "Арсенал"нинг бундай истак билдириши Саудия Арабистони клублари жиддий қизиқиш билдираётган Габриэлни йўқотиш хавфи билан боғлиқ.
Габриэль "канонирлар" сафида 2020 йилдан буён тўп тепиб келмоқда. У жорий мавсумда барча мусобақаларни қўшиб ҳисоблаганда 41 та ўйинда майдонга тушиб, 5 та гол урди ва 1 та голли узатмани ўз ҳисобига ёздириб қўйди.
Ҳимоячининг "Арсенал" билан амалдаги меҳнат шартномаси 2027 йилга мўлжалланган. Transfermarkt экспертлари 27 ёшли бразилиялик футболчининг нархини 75 млн еврога баҳоламоқда.
