O‘tmishda mashhur bo‘lgan futbolchi Maykl Ouen "Liverpul"ga hujumchi Muhammad Salohning kelajagi borasida maslahat berdi. Ouen misrlik futbolchini jamoada saqlab qolish uchun klubni shartnoma imzolash qoidalarini buzishga chaqirdi.
"Ishonchim komilki, Saloh qolishni istaydi. Menimcha, "Liverpul" o‘z qoidalarini o‘zgartirib, unga uzoq muddatli shartnoma taklif qilishi kerak. Salohni almashtirish qimmatroqqa tushadi, chunki transfer uchun pul to‘lashga to‘g‘ri keladi. Shuning uchun uni saqlab qolish uchun qo‘limdan kelganini qilgan bo‘lardim," - dedi Ouen.
Avvalroq matbuotda Salohning "Liverpul" bilan muzokaralari uning muddati bo‘yicha tomonlarning turli pozisiyalari tufayli qiyin kechayotgani haqida ma’lumotlar paydo bo‘lgan edi.
