"Barselona" hujum chizig‘iga faoliyatini oxiriga yaqinlashib qolgan Robert Levandovskining o‘rnini bosa oladigan futbolchini olib kelmoqchi. TodoFichajes portalining Ispaniyaning Sport nashriga tayanib xabar berishicha, kataloniyaliklarning maqsadi Aleksandr Isak hisoblanadi.
"Nyukasl" Isak uchun katta pul so‘raydi - 150-180 million yevro. Yozda bunday narx "Barselona" uchun og‘ir bo‘ladi. Manbaga ko‘ra, "ko‘k-anorranglilar" Isakni 2026 yilning yozida o‘z safiga qo‘shib olmoqchi, o‘shanda ularning moliyaviy ahvoli yaxshilanadi.
Aleksandr Isak 25 yoshda. Joriy mavsumda shvesiyalik futbolchi 33 ta o‘yinda maydonga tushib, 23 ta gol urdi va 5 ta golli uzatmani amalga oshirdi.