"Барселона" ҳужум чизиғига фаолиятини охирига яқинлашиб қолган Роберт Левандовскининг ўрнини боса оладиган футболчини олиб келмоқчи. TodoFichajes порталининг Испаниянинг Sport нашрига таяниб хабар беришича, каталонияликларнинг мақсади Александр Исак ҳисобланади.
"Ньюкасл" Исак учун катта пул сўрайди - 150-180 миллион евро. Ёзда бундай нарх "Барселона" учун оғир бўлади. Манбага кўра, "кўк-анорранглилар" Исакни 2026 йилнинг ёзида ўз сафига қўшиб олмоқчи, ўшанда уларнинг молиявий аҳволи яхшиланади.
Александр Исак 25 ёшда. Жорий мавсумда швециялик футболчи 33 та ўйинда майдонга тушиб, 23 та гол урди ва 5 та голли узатмани амалга оширди.
