"Fiorentina" hujumchisi Moyze Kinga bir qancha ingliz klublari qiziqish bildirmoqda, ammo jurnalist Daniele Longoning so‘zlariga ko‘ra, unga ayniqsa "Nyukasl" jiddiy qiziqqan.
Agar Aleksandr Isak shu yozda "Nyukasl"ni tark etsa, Kin uning o‘rniga asosiy nomzod bo‘lishi aytilmoqda. Klub o‘z vaqtida "Everton"da o‘z o‘rniga ega bo‘la olmagan futbolchining atrofidagilar bilan allaqachon aloqa o‘rnatgan.
24 yoshli hujumchining shartnomasida tovon puli 52 million yevro va "Nyukasl" hozir uni faollashtirish imkoniyatlarini baholamoqda.
Joriy mavsumda Kin “Fiorentina” safida barcha turnirlarda 34 ta o‘yinda maydonga tushib, 20 ta gol va 3 ta golli uzatmaga mualliflik qilgan.
