Argentina terma jamoasi hujumchisi Lionel Messi jahon chempionatiga saralash o‘yinida jamoasining Braziliya ustidan qozonilgan g‘alabasiga (4:1) munosabat bildirdi. Hujumchining o‘zi jarohati sabab mart oyidagi yig‘inni o‘tkazib yuboradi.
"Qayerda bo‘lmasin, bu jamoa futbol orqali gapiradi. Ajoyib o‘yin, shuningdek, Urugvay ustidan qozonilgan g‘alaba bilan tabriklayman", - deb yozdi Messi ijtimoiy tarmoqda.
O‘yindan oldin Braziliya terma jamoasi hujumchisi Rafinya jamoasi argentinaliklar bilan hisob-kitob qilib olishini aytdi. Uchrashuv davomida "Barselona" forvardi bu so‘zlardan ranjigan argentinalik futbolchilar bilan tez-tez to‘qnash keldi.
