Аргентина терма жамоаси ҳужумчиси Лионель Месси жаҳон чемпионатига саралаш ўйинида жамоасининг Бразилия устидан қозонилган ғалабасига (4:1) муносабат билдирди. Ҳужумчининг ўзи жароҳати сабаб март ойидаги йиғинни ўтказиб юборади.
"Қаерда бўлмасин, бу жамоа футбол орқали гапиради. Ажойиб ўйин, шунингдек, Уругвай устидан қозонилган ғалаба билан табриклайман", - деб ёзди Месси ижтимоий тармоқда.
Ўйиндан олдин Бразилия терма жамоаси ҳужумчиси Рафинья жамоаси аргентиналиклар билан ҳисоб-китоб қилиб олишини айтди. Учрашув давомида "Барселона" форварди бу сўзлардан ранжиган аргентиналик футболчилар билан тез-тез тўқнаш келди.
