Londonning "Arsenal" klubi vingeri Bukayo Saka jamoaning navbatdagi o‘yinidayoq maydonga tushishi mumkin.
1 aprel kuni "kanonirlar" Premyer-liga doirasida o‘z uyida "Fulxem"ni qabul qiladi. Jurnalist Chalz Uottsning yozishicha, "Arsenal"da Sakaning uchrashuvda ishtirok etishiga tobora ko‘proq ishonishmoqda. Terma jamoa o‘yinlari uchun tanaffus paytida futbolchi to‘p bilan faol mashq qildi - u safga qaytishga juda yaqin.
Manbaga ko‘ra, "Arsenal" muhim futbolchining sog‘lig‘ini xavf ostiga qo‘ymoqchi emas. Katta ehtimol bilan qaror o‘yin kuni qabul qilinadi.
Eslatib o‘tamiz, Bukayo Saka dekabr oyida jarohat olgan edi. Angliyalik futbolchi joriy mavsumda 24 ta o‘yinda 9 ta gol va 13 ta golli uzatmani amalga oshirdi.
