Лондоннинг "Арсенал" клуби вингери Букайо Сака жамоанинг навбатдаги ўйинидаёқ майдонга тушиши мумкин.
1 апрель куни "канонирлар" Премьер-лига доирасида ўз уйида "Фулхэм"ни қабул қилади. Журналист Чалз Уоттснинг ёзишича, "Арсенал"да Саканинг учрашувда иштирок этишига тобора кўпроқ ишонишмоқда. Терма жамоа ўйинлари учун танаффус пайтида футболчи тўп билан фаол машқ қилди - у сафга қайтишга жуда яқин.
Манбага кўра, "Арсенал" муҳим футболчининг соғлиғини хавф остига қўймоқчи эмас. Катта эҳтимол билан қарор ўйин куни қабул қилинади.
Эслатиб ўтамиз, Букайо Сака декабрь ойида жароҳат олган эди. Англиялик футболчи жорий мавсумда 24 та ўйинда 9 та гол ва 13 та голли узатмани амалга оширди.
