Bundan roppa-rosa 10 yil avval, 2015 yilning 27 mart kuni Xarri Keyn Angliya terma jamoasida debyut qilgandi. Bu haqda "Uch sherlar" sardori ijtimoiy tarmoqda post qoldirdi.
"79 soniyadan so‘ng gol urish u yoqda tursin, Angliya terma jamoasidagi debyutimni so‘z bilan ta’riflash qiyin. Bolaligingda orzu qilgan narsang. Bu 10 yil oldin edi, lekin bu xotira butun umr men bilan qoladi. Bu uchun juda ko‘p mehnat qilganman va bundan juda minnatdorman", - deb yozdi Keyn.
O‘n yil oldin Xarri Keyn Yevro-2016 saralashida Litvaga qarshi o‘yinda zaxiradan maydonga tushganidan ko‘p o‘tmay gol urgan edi. Keyn Angliya terma jamoasi safida 71 ta gol urgan.
