Myunxenning "Bavariya" klubi rahbariyati 6 nafar o‘yinchisini boshqa jamoalarga ijaraga berish bo‘yicha kelishuvlarni muddatidan oldin bekor qilishga qaror qildi. Bu qaror Klublararo jahon chempionatida ishtirok etish bilan bog‘liq.
"Bavariya" tarkibdagi o‘yinchilar muammosidan xavotirda va yosh futbolchilarga o‘yin amaliyotini bermoqchi. Klublararo mundialda qatnashishi mumkin bo‘lgan futbolchilar orasida Paul Vanner, Frans Kresig (ikkalasi ham "Xaydenxaym" vakillari), Brayan Saragosa ("Osasuna"), Ariyon Ibrahimovich ("Lasio") va Matis Tel ("Tottenxem") bor.
Kicker nashrining ma’lum qilishicha, Vanner ushbu turnirda qatnashgani sababli yoshlar o‘rtasidagi Yevropa chempionatini o‘tkazib yuboradi.
