Madridning "Atletiko" klubi "River Pleyt" sharafini himoya qilayotgan hujumkor yarim himoyachi Franko Mastantuononing transferini rejalashtirgan.
O‘tgan yili 17 yoshli futbolchini "Real"ga o‘tish bilan faol ravishda bog‘lashgan, ammo "qaymoqranglilar" talab qilingan summani to‘lashni istamay, kurashdan chiqib ketishgan. Doble Amarilla xabariga ko‘ra, endi futbolchini "Atletiko" nishonga olgan: "matraschilar" yozda bo‘lib o‘tadigan klublar o‘rtasidagi jahon chempionatidan so‘ng yangi yulduzni sotib olishga harakat qilishadi. Jamoani boshqarayotgan Diyego Simeone yosh vatandoshining salohiyatini yuqori baholamoqda.
Manbaga ko‘ra, "Atletiko" Mastantuono uchun taxminan 30 mln yevro taklif qiladi, uning shartnomasida esa 50 mln yevro tovon puli ko‘rsatilgan.
