Мадриднинг "Атлетико" клуби "Ривер Плейт" шарафини ҳимоя қилаётган ҳужумкор ярим ҳимоячи Франко Мастантуононинг трансферини режалаштирган.
Ўтган йили 17 ёшли футболчини "Реал"га ўтиш билан фаол равишда боғлашган, аммо "қаймоқранглилар" талаб қилинган суммани тўлашни истамай, курашдан чиқиб кетишган. Doble Amarilla хабарига кўра, энди футболчини "Атлетико" нишонга олган: "матрасчилар" ёзда бўлиб ўтадиган клублар ўртасидаги жаҳон чемпионатидан сўнг янги юлдузни сотиб олишга ҳаракат қилишади. Жамоани бошқараётган Диего Симеоне ёш ватандошининг салоҳиятини юқори баҳоламоқда.
Манбага кўра, "Атлетико" Мастантуоно учун тахминан 30 млн евро таклиф қилади, унинг шартномасида эса 50 млн евро товон пули кўрсатилган.
