"Manchester Siti" bosh murabbiyi Pep Gvardiola jarohat olgan xavbek Rodrining klublar o‘rtasidagi jahon chempionatida ishtirok etish imkoniyatlari haqida gapirdi.

"Bilmadim... Umid qilamanki, u qatnashadi. Menga qolsa, u ertagayoq o‘ynasa, juda yaxshi bo‘lardi! Lekin hozirning o‘zida o‘ylamasdan qaror qabul qilib bo‘lmaydi.

Shifokorlar menga bu jarohatdan tiklanish uchun 7,5-8 oy kerakligini aytishdi. Rodri 6,5 oydan beri davolanmoqda. U maydonda o‘zini yaxshi his qilmoqda, lekin raqobat [haqiqiy o‘yinlarda] butunlay boshqacha, shuning uchun ko‘ramiz. Biz u bilan hammasi joyida ekanligiga ishonch hosil qilishimiz kerak va shundan keyin qaror qabul qilamiz", - dedi Gvardiola matbuot anjumanida.