"Манчестер Сити" бош мураббийи Пеп Гвардиола жароҳат олган хавбек Родрининг клублар ўртасидаги жаҳон чемпионатида иштирок этиш имкониятлари ҳақида гапирди.

"Билмадим... Умид қиламанки, у қатнашади. Менга қолса, у эртагаёқ ўйнаса, жуда яхши бўларди! Лекин ҳозирнинг ўзида ўйламасдан қарор қабул қилиб бўлмайди.

Шифокорлар менга бу жароҳатдан тикланиш учун 7,5-8 ой кераклигини айтишди. Родри 6,5 ойдан бери даволанмоқда. У майдонда ўзини яхши ҳис қилмоқда, лекин рақобат [ҳақиқий ўйинларда] бутунлай бошқача, шунинг учун кўрамиз. Биз у билан ҳаммаси жойида эканлигига ишонч ҳосил қилишимиз керак ва шундан кейин қарор қабул қиламиз", - деди Гвардиола матбуот анжуманида.