Madridning "Real" klubi rahbariyati braziliyalik hujumchi Vinisius Juniorni sotish uchun ochiq. Bu haqda Football Transfers xabar bermoqda.
Manbaga ko‘ra, Saudiya Arabistoni klublari "Real"ga rekord darajadagi transfer taklifini bersa, ispan grandi Vinisiusni sotib yuboradi. Qayd etilishicha, "qaymoqranglilar" yangi shartnoma bo‘yicha muzokaralar chog‘ida braziliyalikdan hafsalasi pir bo‘lgan, shu bois endi u bilan xayrlashishga tayyor.
Joriy mavsumda 24 yoshli Vinisius barcha musobaqalarda 39 ta o‘yinda maydonga tushib, 18 ta gol urdi va 11 ta golli uzatmaga mualliflik qildi.
