Madridning "Atletiko" klubi bosh murabbiyi Diyego Simeone "Espanyol"ga qarshi o‘yinga sarhisob qildi.
La Liganing 29-turidan o‘rin olgan uchrashuv 1:1 hisobida durang bilan yakunlandi.
"Birinchi bo‘limda juda yaxshi o‘ynadik, himoyadagi vaziyatni nazorat qildik va bir nechta golli vaziyatlar yaratdik. O‘ylaymanki, ikkinchi bo‘limning 15-daqiqasiga qadar biz vaziyatni nazorat qila oldik. Qachonki biz hisobda ustunlikni oshira olmaganimizdan keyin esa penalti belgilandi va bu bizga qo‘shimcha qiyinchiliklar tug‘dirdi, raqib esa ruhlandi. Bu tengma-teng o‘yin bo‘ldi, Boshqa o‘yinlarda ham o‘ziga xos natijaga erishdik. Men har doim aytamanki, La Liga taqdiri so‘nggi besh turda hal bo‘ladi va chempionlikka eng yaqin bo‘lgan jamoalar bu uchun kurashadi. Men chempionlik uchun kimlar kurash olib borishini bilishni istardim, ammo bu oxirigacha ma’lum bo‘lmaydi" - dedi Simeone.
