Madridning "Atletiko" klubi bosh murabbiyi Diyego Simeone Chempionlar ligasi 1/8 finalidan o‘rin olgan "Real"ga qarshi javob o‘yini voqealarini yana bir bor yodga oldi.
Bahsda 1:0 hisobida "matraschilar" g‘alaba qozondi. Ilk o‘yinda "Real"ning 2:1 hisobidagi g‘alabasi evaziga o‘yin penaltilarga bordi. Yakunda "Qirollik klubi" 4:2 hisobida penaltilarda g‘alaba qozondi.
"Chempionlar Ligasida yaxshi mavsum o‘tkazdik. Javob o‘yinida g‘alaba qozondik, ammo barchasini UEFA hukmi hal qildi. Biz o‘sha o‘yinda g‘alaba qozondik. "Barselona"ga qarshi o‘yinda hammasi boshqacha bo‘ldi: bizga 20 daqiqa ichida to‘rtta gol urgan juda xavfli jamoa qarshilik ko‘rsatdi. Bugungi o‘yin ("Espanyol"ga qarshi La Liga o‘yini - 1:1) teng kurashlar ostida o‘tdi," - dedi argentinalik mutaxassis intervyuda.