"Lasio" yarim himoyachisi Nikolo Rovella yaqinlashib kelayotgan transferlar davrida "Liverpul"ga ko‘chib o‘tishi mumkin.
Xabaringiz bor, "qizillar" yangi tayanch yarim himoyachisi izlashda davom etmoqda. Gazzetta dello Sport xabariga ko‘ra, ingliz grandi qiziqishlari doirasiga Rovella tushgan. Manbaga ishonadigan bo‘lsak, mersisaydliklar rahbariyati 23 yoshli futbolchi uchun 40 mln yevrolik taklif tayyorlamoqda.
Nikolo Rovella "Lasio" tomonidan "Yuventus"dan sotib olish sharti bilan ijaraga olindi. Joriy mavsumda futbolchi rimliklar safida 34 ta o‘yinda maydonga tushib, 3 ta golli uzatmani amalga oshirdi.
