"Manchester Siti" ustozi Xosep Gvardiola joriy mavsumda Fil Fodenning o‘yini pasayishi haqida gapirdi.
Angliyalik futbolchi barcha musobaqalarning so‘nggi 14 o‘yinida atigi bitta golli uzatmani amalga oshirdi. Yakshanba kuni 24 yoshli hujumkor yarim himoyachi "shaharliklar"ga Angliya kubogi 1/4 finalida "Bornmut"ni mag‘lub etishda yordam berdi va maydonda 69 daqiqa harakat qildi.
"Futbolchining uzoq yillik faoliyatida, albatta, pasayish holatlari bo‘ladi. Agar jamoamizning ishlari yaxshi bo‘lganida, Fil ham yaxshiroq o‘ynay olardi. Biz hech qachon yolg‘iz unga suyanmaymiz. Muammolarni butun jamoa bilan hal qilish kerak.
Ba’zida odamlar meni futbolchilarni rivojlantirayotganimni aytishadi. Yo‘q - ular umumiy g‘oya uchun birgalikda o‘ynab, o‘zlari rivojlanadilar. Foden hali yosh. U albatta o‘z darajasiga qaytadi," - deya Gvardiolaning so‘zlarini keltiradi City Report.
