"Betis" La Liganing navbatdagi turida "Barselona"ga qarshi bahsda Iskodan foydalana olmaydi. 32 yoshli futbolchi "Sevilya" bilan bugungi derbining ikkinchi bo‘limi boshida sariq kartochka oldi: u diskvalifikasiya sababli 5 aprel, shanba kuni bo‘lib o‘tadigan "Barsa"ga qarshi navbatdagi o‘yinni o‘tkazib yuboradi.

Madridning "Real" klubi sobiq futbolchisi hisobida Ispaniya chempionatining joriy mavsumida 15 ta o‘yinda 6 ta gol va 4 ta golli uzatma mavjud.

Eslatib o‘tamiz, aynan Isko La Ligada mart oyining eng yaxshi futbolchisi deb topildi.