O‘zbekiston terma jamoasi sobiq himoyachisi Vitaliy Denisov milliy jamoaning 2026 yilgi Jahon chempionati yo‘llanmasi uchun imkoniyatlari haqida fikr bildirdi.

Himoyachi “Championat.com” nashriga bergan intervyusida Temur Kapadze boshchiligidagi jamoa uchun muhim bahslar boshlanganini hamda BAAga qarshi bellashuvda faqat g‘alaba uchun harakat qilishi kerakligini aytdi.

Hozircha natijalarga ortiqcha e’tibor qaratmaslik kerak. Ish tugadimi? Yo‘q. O‘zbekiston terma jamoasi oldinda turgan hal qiluvchi o‘yinda o‘z kuchini namoyish etishi lozim. Ayniqsa, safarda BAAga qarshi uchrashuvda jamoa kuchli ekanini isbotlash uchun katta imkoniyat bor. Hech qanday holatda durangga o‘ynamaslik kerak – faqat g‘alaba uchun kurashish zarur. Jahon chempionatiga chiqish va orzularni ro‘yobga chiqarish vaqti keldi. Jahon chempionatiga chiqish – butun O‘zbekiston futbolining orzusi. Yillar davomida biz bu yo‘llanma uchun kurashib kelmoqdamiz, hozir esa juda yaxshi imkoniyat bor, dedi Denisov Championat nashri bilan suhbatda.

O‘zbekiston milliy jamoasi ayni damda Jahon chempionati–2026 saralash bosqichi A guruhida 17 ochko bilan ikkinchi o‘rinni egallab turibdi. Jamoa BAA terma jamoasidan to‘rt ochko oldinda. Jahon chempionatiga yo‘llanmani kafolatlash uchun O‘zbekiston kamida bitta ochko zarur. Hal qiluvchi uchrashuvlar 5 iyun kuni safarda BAAga, 10 iyun kuni esa Toshkentda Qatarga qarshi o‘tkaziladi.

Ma’lumot uchun, Vitaliy Denisov hozirda Rossiyaning “SKA Rostov” media jamoasi sharafini himoya qiladi.