Hozirda "Bornmut" sharafini himoya qilayotgan chap qanot himoyachisi Milosh Kerkez faoliyatida keyingi qadamni qo‘ymoqchi va yozgi transferlar oynasiga yangi jamoaga o‘tishga tayyor.
"Fichajes" nashrining xabar berishicha, "Liverpul" himoyani kuchaytirishga urinib, Endryu Robertsonga uzoq muddatli o‘rinbosar sifatida ko‘rayotgan Kerkez uchun 50 million yevro atrofida mablag‘ taklif qilishga tayyor.
Agar muzokaralar muvaffaqiyatli o‘tsa, Kerkez yozning asosiy transferlaridan biriga aylanishi mumkin. Vengriyalik futbolchining "Enfild"ga o‘tish-o‘tmasligi yaqin oylarda hal bo‘ladi.
Eslatib o‘tamiz, Milosh Kerkez joriy mavsum "Bornmut" safida barcha musobaqalarda 32ta o‘yinda maydonga tushib, 2ta gol urgan va 6ta golga hammualliflik qilgan.
