Ҳозирда "Борнмут" шарафини ҳимоя қилаётган чап қанот ҳимоячиси Милош Керкез фаолиятида кейинги қадамни қўймоқчи ва ёзги трансферлар ойнасига янги жамоага ўтишга тайёр.
"Fichajes" нашрининг хабар беришича, "Ливерпуль" ҳимояни кучайтиришга уриниб, Эндрю Робертсонга узоқ муддатли ўринбосар сифатида кўраётган Керкез учун 50 миллион евро атрофида маблағ таклиф қилишга тайёр.
Агар музокаралар муваффақиятли ўтса, Керкез ёзнинг асосий трансферларидан бирига айланиши мумкин. Венгриялик футболчининг "Энфилд"га ўтиш-ўтмаслиги яқин ойларда ҳал бўлади.
Эслатиб ўтамиз, Милош Керкез жорий мавсум "Борнмут" сафида барча мусобақаларда 32та ўйинда майдонга тушиб, 2та гол урган ва 6та голга ҳаммуаллифлик қилган.
