"Torino" darvozaboni Vanya Milinkovich-Savich so‘nggi yillarda A Seriyaning eng yaxshi darvozabonlaridan biri sifatida o‘zini ko‘rsatdi.
Tuttosport xabariga ko‘ra, 28 yoshli serbni "Chelsi" diqqat bilan kuzatib bormoqda. Enso Mareskaning asosiy darvozabon tanlashda muammolari bor: yosh Filip Yorgenson o‘z o‘yinlari bilan ishontira olmadi, tajribaliroq futbolchi Robert Sanches esa bu mavsumda bir qator xatolarga yo‘l qo‘ydi.
Milinkovich-Savich o‘zining oyoqlari bilan o‘ynashi va penaltini qaytarishi bilan italiyalik murabbiyning e’tiborini tortdi. "Chelsi" "Torino" bilan shartnomasi 2026 yilgacha (bir yilga uzaytirish imkoniyati bilan) amal qiladigan serb bilan muzokaralarda qiynalmaydi. 20 million yevrolik badal puli londonliklar uchun muammo bo‘lmaydi.
Ammo "Chelsi" yagona da’vogar emas. "Manchester Siti" ham shartnomasi 2026 yilda yakunlanadigan Edersonning beqarorligi tufayli vaziyatni diqqat bilan kuzatib bormoqda.
