"Barselona" bosh murabbiyi Xans-Diter Flik jarohatidan tuzalishga yaqin turgan darvozabon Mark Andre Ter Shtegen haqida berilgan savolga javob berdi.
— Agar bu mavsumda Ter Shtegen qaytsa, kim o‘ynaydi?
— Ko‘ramiz. Bosqichma-bosqich borishimiz kerak. U tuzalib ketsa, nima bo‘lishini ko‘ramiz. Hozir qaror qabul qilish yoki biror narsa deyish vaqti emas. Biz bugunga e’tibor qaratishimiz kerak va vaqtimiz bor. Yaxshi xabar shundaki, Mark bilan hammasi yaxshi ketmoqda va uning shu bosqichda ekanligidan xursandmiz. Keling, keyin nima bo‘lishini ko‘ramiz", - dedi 60 yoshli mutaxassis.
Hozirda kataloniyaliklarning asosiy darvozaboni Voysex Shesni hisoblanadi. U klub safida o‘tkazgan 18 ta o‘yinida biror marta mag‘lub bo‘lmagan.