"Барселона" бош мураббийи Ханс-Дитер Флик жароҳатидан тузалишга яқин турган дарвозабон Марк Андре Тер Штеген ҳақида берилган саволга жавоб берди.

— Агар бу мавсумда Тер Штеген қайтса, ким ўйнайди?

— Кўрамиз. Босқичма-босқич боришимиз керак. У тузалиб кетса, нима бўлишини кўрамиз. Ҳозир қарор қабул қилиш ёки бирор нарса дейиш вақти эмас. Биз бугунга эътибор қаратишимиз керак ва вақтимиз бор. Яхши хабар шундаки, Марк билан ҳаммаси яхши кетмоқда ва унинг шу босқичда эканлигидан хурсандмиз. Келинг, кейин нима бўлишини кўрамиз", - деди 60 ёшли мутахассис.

Ҳозирда каталонияликларнинг асосий дарвозабони Войцех Шесни ҳисобланади. У клуб сафида ўтказган 18 та ўйинида бирор марта мағлуб бўлмаган.