Londonning "Arsenal" klubi yarim himoyachisi Deklan Rays yana bir bor Premyer-liga chempionlik poygasidagi vaziyat haqida fikr bildirdi.

Seshanba kuni "kanonirlar" "Fulxem"ni mag‘lub etishdi (2:1) va chempionat yakuniga 8 tur qolganida peshqadam "Liverpul" bilan oradagi farqni 9 ochkogacha qisqartirishdi. Arne Slot jamoasida 1 ta zaxira o‘yini bor.

"Biz "Liverpul"dan ortda qolayotganimizni bilamiz. Biz faqat qo‘limizdan kelganini nazorat qila olamiz, ya’ni qolgan sakkizta o‘yinda g‘alaba qozonishimiz kerak. Afsuski, biz bu mavsumda juda ko‘p xatolarga yo‘l qo‘ydik, ammo biz "Liverpul"ni ta’qib qilishda va bosim o‘tkazishda davom etamiz - hozir biz qila oladigan yagona narsa shu," - dedi Rays Sky Sports'ga bergan intervyusida.