Лондоннинг "Арсенал" клуби ярим ҳимоячиси Деклан Райс яна бир бор Премьер-лига чемпионлик пойгасидаги вазият ҳақида фикр билдирди.
Сешанба куни "канонирлар" "Фулхэм"ни мағлуб этишди (2:1) ва чемпионат якунига 8 тур қолганида пешқадам "Ливерпуль" билан орадаги фарқни 9 очкогача қисқартиришди. Арне Слот жамоасида 1 та захира ўйини бор.
"Биз "Ливерпуль"дан ортда қолаётганимизни биламиз. Биз фақат қўлимиздан келганини назорат қила оламиз, яъни қолган саккизта ўйинда ғалаба қозонишимиз керак. Афсуски, биз бу мавсумда жуда кўп хатоларга йўл қўйдик, аммо биз "Ливерпуль"ни таъқиб қилишда ва босим ўтказишда давом этамиз - ҳозир биз қила оладиган ягона нарса шу," - деди Райс Sky Sports'га берган интервьюсида.
