"Bavariya"ning afsonaviy sobiq vingeri Frank Riberi myunxenliklar jamoasini agar shunday imkoniyat mavjud bo‘lsa, Florian Virtsni sotib olishga chaqirdi.
"Agar biron bir imkoniyat bo‘lsa, "Bavariya" Florian Virts bilan shartnoma imzolashi kerak. Musiala bilan birga ular bir jamoada yaxshi o‘ynashi mumkin. Ularning ikkalasi ham aql bovar qilmaydigan iqtidorga ega ekanligi bilan o‘xshash, biroq ayni paytda o‘yin uslublari boshqacha. Yaxshi o‘yinchilar maydonda doim bir-birini tushunishadi", - dedi Riberi.
Joriy mavsumda Virts “Bayer” safida barcha musobaqalarda 39 ta o‘yin o‘tkazib, 15 ta gol urdi va 13 ta golli uzatmani amalga oshirdi.
