Superliganing 1-tur qoldiridgan o‘yini doirasida bo‘lib o‘tgan "Paxtakor" - "Mash’al" jamoalari o‘rtasidagi uchrashuvdan so‘ng "sherlar" bosh murabbiyi Pedru Moreyra o‘z fikrlarini aytib o‘tdi.
"O‘yinga raqibga moslashgan holda tayyorlandik. Yigitlar juda yaxshi o‘ynashdi. Bu g‘alaba bizga keyingi bellashuvlar oldidan kayfiyatimizni ko‘taradi. To‘pni tez olib qo‘ydik, tez hujumlar uyushtirdik. Avvalgi bahslarda qarshi hujumlarda to‘p o‘tkazib yubordik. Kichik vaziyatlarda xatoga yo‘l qo‘ygandik. Futbolchilarni yutuq bilan tabriklayman. Biz imkon qadar yuqori sur’atda o‘ynashga intilamiz. Bugun toza o‘yin vaqti ko‘proq bo‘ldi deb o‘ylayman. Biz ko‘proq bo‘sh hududlarni topishga urinamiz. Raqibning harakatlariga ham ko‘p narsa bog‘liq" - Pedru Moreyra.
