Italiya kubogi yarim finalida "Milan" "Inter"ga qarshi dastlabki o‘yinda durang o‘ynadi - 1:1.
"Rossonerilar" ustozi Serjiu Konseysau o‘yin natijalarini baholadi.
"Biz yo‘lning yarmida turibmiz, javob uchrashuvini kutyapmiz va men juda istagan finalda o‘ynash uchun Rimga yo‘l olishga harakat qilamiz. Bu o‘yin kutilganidek keskin bo‘ldi. Mudofaada o‘zimizni yaxshi tutdik va hujumda imkoniyatlar yaratdik. Menimcha, bu adolatli natija. O‘yinchilarning yondashuvidan va munosabatidan mamnunman," deya portugaliyalik mutaxassisning so‘zlarini keltirmoqda pianetamilan.it.
