Fichajes xabariga ko‘ra, "Barselona" chap qanot himoyachisi Alexandro Balde uchun "Manchester Yunayted"ning 50 million yevrolik taklifini rad etgan. Himoyaning chap qanotiga ishonchli mustahkamlovchi izlayotgan ingliz klubi yosh futbolchisi bilan shartnoma imzolashga urindi, ammo rad javobini oldi.

Futbolchi beqarorlik va jiddiy jarohatlar bilan kechgan o‘tgan mavsumdan so‘ng o‘zining eng yaxshi holatiga qaytdi. Xansi Flik qo‘l ostida u yana o‘zining tezligi, hujumdagi salohiyati va himoyadagi muvaffaqiyatini namoyish etib, jamoaning asosiy figurasiga aylandi.

Joriy mavsumda 21 yoshli Balde “Barselona” safida barcha turnirlarda 40 ta o‘yinda maydonga tushib, 1 ta gol va 8 ta golli uzatmani amalga oshirdi.