Fichajes хабарига кўра, "Барселона" чап қанот ҳимоячиси Алехандро Бальде учун "Манчестер Юнайтед"нинг 50 миллион евролик таклифини рад этган. Ҳимоянинг чап қанотига ишончли мустаҳкамловчи излаётган инглиз клуби ёш футболчиси билан шартнома имзолашга уринди, аммо рад жавобини олди.
Футболчи беқарорлик ва жиддий жароҳатлар билан кечган ўтган мавсумдан сўнг ўзининг энг яхши ҳолатига қайтди. Ханси Флик қўл остида у яна ўзининг тезлиги, ҳужумдаги салоҳияти ва ҳимоядаги муваффақиятини намойиш этиб, жамоанинг асосий фигурасига айланди.
Жорий мавсумда 21 ёшли Бальде “Барселона” сафида барча турнирларда 40 та ўйинда майдонга тушиб, 1 та гол ва 8 та голли узатмани амалга оширди.
