"Barselona" Jyul Kundeni almashtirishi mumkin bo‘lgan yangi o‘ng qanot himoyachisini sotib olish variantini o‘rganmoqda. Bu haqda Sport.es xabar bermoqda.
Manbaga ko‘ra, Kataloniya klubi sport rahbariyati 4 nomzodni ko‘rib chiqmoqda: 23 yoshli Vanderson ("Monako"), 21 yoshli Mark Pubil ("Almeriya"), 24 yoshli Jeremi Frimpong ("Bayer") va 18 yoshli Jivayro Rid ("Feyenoord").
Ta’kidlanishicha, "ko‘k-anorranglilar" uchun eng ma’qul variant Frimpong bo‘ladi, ammo leverkuzenliklar uning uchun "Barselona" to‘lay oladigan summadan ko‘proq pul talab qiladi. Ammo ispaniyalik grandga 24 yoshli himoyachini sotib olishda amaldagi futbolchilarni sotish yordam berishi mumkin.
