"Барселона" Жюль Кундени алмаштириши мумкин бўлган янги ўнг қанот ҳимоячисини сотиб олиш вариантини ўрганмоқда. Бу ҳақда Sport.es хабар бермоқда.
Манбага кўра, Каталония клуби спорт раҳбарияти 4 номзодни кўриб чиқмоқда: 23 ёшли Вандерсон ("Монако"), 21 ёшли Марк Пубиль ("Алмерия"), 24 ёшли Жереми Фримпонг ("Байер") ва 18 ёшли Живайро Рид ("Фейеноорд").
Таъкидланишича, "кўк-анорранглилар" учун энг маъқул вариант Фримпонг бўлади, аммо леверкузенликлар унинг учун "Барселона" тўлай оладиган суммадан кўпроқ пул талаб қилади. Аммо испаниялик грандга 24 ёшли ҳимоячини сотиб олишда амалдаги футболчиларни сотиш ёрдам бериши мумкин.
