Dortmundning "Borussiya" klubi bosh murabbiyi Niko Kovach o‘z lavozimida kutilmagan qiyinchiliklar bo‘lganini tan oldi.
Xorvatiyalik mutaxassis kelajagi haqidagi savolga mujmal javob berib, jamoani tezroq Germaniyadagi yetakchi o‘ringa qaytarish uchun qisqa muddatli shartnoma imzolaganini ta’kidladi, xolos.
"Albatta, bu biroz vaqt oladi va ehtimol, men bu biroz osonroq bo‘lishini tasavvur qilgandirman, lekin shunga qaramay, biz barchamiz bir yo‘nalishda astoydil harakat qilayotganimizga ishonaman," - deya uning so‘zlarini keltiradi Sky Sport Germany.
Eslatib o‘tamiz, Kovach mavsum o‘rtasida "asalarilar" ustozi Nuri Shaxin o‘rnini egallagandi.
