"Everton" bosh murabbiyi Devid Moyes jamoasi oldidagi ulkan maqsadlari haqida fikr yuritdi.
"Faoliyatimda birinchi marta "Everton"ni boshqarganimda muvaffaqiyatga erishdik deb o‘ylayman. Biz quyi ligaga tushib ketish zonasiga yaqin edik, ammo keyinchalik boshqa top-klublar bilan yevrokuboklar uchun kurashdik. Endi biz "Everton"ni yana cho‘qqiga olib chiqishga harakat qilmoqchimiz, biz bu qiyinchilikka tayyormiz.
"Everton"ga qaytganimda, bu shunday bo‘lishiga ishonchim komil emas edi. To‘g‘risini aytsam, bu yerga qaytishni umuman kutmagandim, shuning uchun kelganimda, muxlislar meni qabul qilishlaridan xursand bo‘ldim. Klubda ajoyib meros qoldirdim demagan bo‘lardim, lekin bu yerda 11 yorqin yilni o‘tkazdim", dedi murabbiy.
“Everton” Angliya chempionatida 30-turdan keyin 34 ochko jamg‘arib, APL turnir jadvalida 15-o‘rinda bormoqda.
