Boxing247.com nashri jurnalisti Maykl Kollinz o‘zbekistonlik super og‘ir vazn toifasidagi bokschi Bahodir Jalolov (14–0, 14 KO) yaqin orada professional ringda kuchliroq raqiblar bilan jang qilishiga umid qilayotgani haqida yozdi.
"Og‘ir vazn toifasidagi Olimpiya chempioni Bahodir Jalolov ringga qaytmoqda. U professional boksda bir yildan ko‘proq vaqt mobaynida jang qilmagan. Avvalroq u Monrealda tashkil etilgan boks kechasining asosiy jangida qatnashishi kerak edi, ammo so‘nggi daqiqada yuzidagi husunbuzar sabab bahsni bekor qilishga majbur bo‘ldi. Jalolovda hamma narsa bor. Ammo u endi kuchli qarshilik qiladigan raqiblar bilan ringga chiqishi kerak", deb yozdi jurnalist.
5 aprel kuni Ostona shahrida o‘tadigan jang oqshomida Jalolov ukrainalik Igor Shevadzuskiyga (12–2, 10 KO) qarshi ringga ko‘tariladi.
Avvalroq o‘zbekistonlik charm qo‘lqop ustasi super og‘ir vazn toifasida mutloq jahon chempioni ukrainalik Oleksandr Usikga qarshi ringga chiqishni xohlayotganini ma’lum qilgan edi.













