Italiya A Seriyasida mart oyining eng yaxshi murabbiyi aniqlandi.

Mukofotni “Bolonya” jamoasi ustozi Vinchenso Italyano qo‘lga kiritdi. "Bolonya" o‘tgan oy Italiya chempionatida to‘rtta o‘yin o‘tkazdi.

Ularda “qizil-ko‘klar” “Kalyari” (2:1), “Verona” (2:1), “Lasio” (5:0) va “Venesiya” (1:0)ni mag‘lub etishdi.

Ayni damda «Bolonya» Italiya chempionati turnir jadvalida to‘rtinchi o‘rinda bormoqda. Italyano jamoasi A Seriyadagi navbatdagi o‘yinini 7-aprel, dushanba kuni o‘z maydonida "Napoli"ga qarshi o‘tkazadi. "Bolonya" ketma-ket ikkinchi yil Chempionlar ligasida o‘ynash uchun kurashmoqda.