Италия А Сериясида март ойининг энг яхши мураббийи аниқланди.
Мукофотни “Болонья” жамоаси устози Винченцо Итальяно қўлга киритди. "Болонья" ўтган ой Италия чемпионатида тўртта ўйин ўтказди.
Уларда “қизил-кўклар” “Кальяри” (2:1), “Верона” (2:1), “Лацио” (5:0) ва “Венеция” (1:0)ни мағлуб этишди.
Айни дамда «Болонья» Италия чемпионати турнир жадвалида тўртинчи ўринда бормоқда. Итальяно жамоаси А Сериядаги навбатдаги ўйинини 7-апрель, душанба куни ўз майдонида "Наполи"га қарши ўтказади. "Болонья" кетма-кет иккинчи йил Чемпионлар лигасида ўйнаш учун курашмоқда.
