Braziliyada boks bo‘yicha “World Boxing” tashkiloti tomonidan o‘tkazilayotgan jahon kubogida O‘zbekiston terma jamoasining 7 nafar vakili final bosqichiga yo‘l oldi.

Yarim final bellashuvlarining so‘nggi kunida vazni -55 kg. bo‘lgan Mirazizbek Mirzaxalilov gvatemalalik Jose Felipeni taslim etgan bo‘lsa, -80 kg. vaznda ishtirok etayotgan Javohir Ummataliyev qozog‘istonlik Dias Moljigitovni yengdi.  

Shuningdek, -85 kg. vazn toifasida mamlakatimiz sharafini himoya qilayotgan Akmaljon Isroilov polshalik Yakub Strashevskini mag‘lub etdi.

Shu tariqa, ushbu uchta bokschimiz final yo‘llanmasini qo‘lga kiritdi.  

Kuni kecha To‘rabek Habibullayev, Asilbek Jalilov, Fazliddin Erkinboyev, Jahongir Zokirov o‘z vazn toifalarida so‘nggi hal qiluvchi final bosqichigi chiqqan edi.