Бразилияда бокс бўйича “World Boxing” ташкилоти томонидан ўтказилаётган жаҳон кубогида Ўзбекистон терма жамоасининг 7 нафар вакили финал босқичига йўл олди.
Ярим финал беллашувларининг сўнгги кунида вазни -55 кг. бўлган Миразизбек Мирзахалилов гватемалалик Жосе Фелипени таслим этган бўлса, -80 кг. вазнда иштирок этаётган Жавоҳир Умматалиев қозоғистонлик Диас Молжигитовни енгди.
Шунингдек, -85 кг. вазн тоифасида мамлакатимиз шарафини ҳимоя қилаётган Акмалжон Исроилов польшалик Якуб Страшевскини мағлуб этди.
Шу тариқа, ушбу учта боксчимиз финал йўлланмасини қўлга киритди.
Куни кеча Тўрабек Ҳабибуллаев, Асилбек Жалилов, Фазлиддин Эркинбоев, Жаҳонгир Зокиров ўз вазн тоифаларида сўнгги ҳал қилувчи финал босқичиги чиққан эди.
