"Liverpul" Virjil Van Deyk o‘rniga himoyani kuchaytirishi mumkin bo‘lgan variantlarni o‘rganmoqda. Niderlandiyalik futbolchining amaldagi shartnomasi iyun oyi oxirigacha mo‘ljallangan, ya’ni yozda 33 yoshli futbolchi erkin agent maqomiga ega bo‘lishi mumkin.

Todofichajes nashrining xabar berishicha, "Liverpul" van Deyk bilan xayrlashsa, "Barselona"dan Ronald Arauxoni sotib olishi mumkin. Mersisaydliklar 26 yoshli urugvaylik futbolchi uchun 65 million yevro to‘lashga tayyor - uning shartnomasida aynan shunday tovon puli ko‘rsatilgan.

Qayd etilishicha, Arauxoning o‘ziga "Liverpul" 10 million yevro "sof" maosh bilan foydali shartnoma taklif qilishga tayyor bo‘ladi.