"Ливерпуль" Виржил Ван Дейк ўрнига ҳимояни кучайтириши мумкин бўлган вариантларни ўрганмоқда. Нидерландиялик футболчининг амалдаги шартномаси июнь ойи охиригача мўлжалланган, яъни ёзда 33 ёшли футболчи эркин агент мақомига эга бўлиши мумкин.
Todofichajes нашрининг хабар беришича, "Ливерпуль" ван Дейк билан хайрлашса, "Барселона"дан Рональд Араухони сотиб олиши мумкин. Мерсисайдликлар 26 ёшли уругвайлик футболчи учун 65 миллион евро тўлашга тайёр - унинг шартномасида айнан шундай товон пули кўрсатилган.
Қайд этилишича, Араухонинг ўзига "Ливерпуль" 10 миллион евро "соф" маош билан фойдали шартнома таклиф қилишга тайёр бўлади.
